ໃນກອງປະຊຸມໃຫຍ່ ຄັ້ງທີ 8 ຂອງອົງຄະນະພັກເມືອງ ທີ່ຜ່ານມາ, ບໍລິສັດ ໄຟຟ້າ ນໍ້າເທີນ 1 ຈຳກັດ ໄດ້ສະໜັບສະໜູນງົບປະມານໃນການຈັດກອງປະຊຸມໃຫ້ແກ່ ເມືອງປາກກະດິງ ແລະ ເມືອງວຽງທອງ, ແຂວງບໍລິຄຳໄຊ ມູນຄ່າລວມ 45,000,000 ກີບ.
ໃນວັນທີ 4 ກຸມພາ 2025, ທ່ານ ບຸນຍັງ ເພັງສຸວັນ, ທີ່ປຶກສາດ້ານການພົວພັນກັບລັດຖະບານ ພ້ອມດ້ວຍທີມງານ ໄດ້ຕາງໜ້າໃຫ້ແກ່ບໍລິສັດ ໄຟຟ້າ ນໍ້າເທີນ 1 ຈຳກັດ ໃນການມອບເງິນສະໜັບສະໜູນ ຈຳນວນ 30,000,000 ກີບ ໃຫ້ແກ່ເມືອງປາກກະດິງ, ແຂວງບໍລິ
ຄຳໄຊ ເຊິ່ງມີທ່ານ ສີອຳພອນ ໝາຍໝັ້ນ, ຫົວໜ້າຫ້ອງການປົກຄອງເມືອງປາກກະດິງ ເປັນຜູ້ຕາງໜ້າໃນການຮັບເງິນສະໜັບສະໜູນດັ່ງກ່າວ.
ໃນມື້ຕໍ່ມາ ກໍ່ຄືວັນທີ 5 ກຸມພາ 2025, ທ່ານ ບຸນຍັງ ເພັງສຸວັນ, ພ້ອມດ້ວຍທີມງານ ໄດ້ສືບຕໍ່ມອບເງິນສະໜັບສະໜູນກອງປະຊຸມ ຈຳນວນ 15,000,000 ກີບ ໃຫ້ແກ່ເມືອງວຽງທອງ ໂດຍມີ ທ່ານ ດວງໃຈ ພົມມີໄຊ, ຮອງເຈົ້າເມືອງເມືອງວຽງທອງ ເປັນຜູ້ຕາງໜ້າໃນການຮັບເງິນດັ່ງກ່າວ.
ໃນການສະໜັນສະໜູນດັ່ງກ່າວ, ມັນສະແດງໃຫ້ເຫັນເຖິງຄວາມມຸ່ງໝັ້ນ ແລະ ສະໜັບສະໜູນຢ່າງຕໍ່ເນື່ອງ ຂອງບໍລິສັດ ໄຟຟ້າ ນໍ້າເທີນ 1 ຕໍ່ຊຸມຊົນທີ່ບໍລິສັດດໍາເນີນງານຢູ່. ຄວາມຮັບຜິດຊອບຕໍ່ສັງຄົມຂອງບໍລິສັດ ແມ່ນມີບົດບາດສໍາຄັນໃນການສະຫນັບສະຫນູນການພັດທະນາທ້ອງຖິ່ນ ແລະ ສົ່ງເສີມຄວາມສໍາພັນທີ່ດີລະຫວ່າງທຸລະກິດ ແລະ ຊຸມຊົນ. ໂດຍການລົງທຶນໃນການປົກຄອງທ້ອງຖິ່ນ, ບໍລິສັດ ໄຟຟ້າ ນໍ້າເທີນ 1 ຈຳກັດ ບໍ່ພຽງແຕ່ປະຕິບັດຕາມພັນທະຜູກພັນທາງສັງຄົມເທົ່ານັ້ນ, ແຕ່ຍັງປະກອບສ່ວນເຂົ້າໃນການປັບປຸງຊີວິດການເປັນຢູ່ທີ່ດີຂອງປະຊາຊົນໃນພື້ນທີ່ອີກດ້ວຍ.